د ارزګان پوهنتون د معلوماتي ټکنالوژۍ ع مدیریت

د ارزګان پوهنتون د معلوماتي ټکنالوژۍ عمومی مدیریت

د ارزګان پوهنتون د معلوماتي ټکنالوژۍ مدیریت په ۱۳۹۱ هجري شمسي کال کې د پوهنتون د جوړښت په لړ کې تاسیس شو. دغه مدیریت د پوهنتون د ټکنالوژۍ اړوند ټولو چارو ته نظارت او همغږي ورکوي. د معلوماتي ټکنالوژۍ مدیریت د پوهنتون د استادانو، محصلینو، او کارمندانو لپاره د مختلفو خدمتونو وړاندې کولو کې فعاله ونډه لري.

د معلوماتي ټکنالوژۍ مدیریت ځانګړتیاوې:

1. شبکه او سرور مدیریت:
   د مایکروټیک روټینګ او Wi-Fi 6 ټکنالوژۍ له لارې د پوهنتون د شبکې او انټرنیټ خدمتونو مدیریت. همدارنګه د سرور سیسټمونه او ویب سایټ په ښه توګه مدیریت کیږي.
2. تجهیزات او وسایل:
   د پوهنتون د کمپیوټر لابراتوارونو، دفترونو، کتابتونونو، او نورو برخو کې د ټکنالوژۍ اړوند تجهیزاتو لکه پروجکټورونه، Copier ماشینونه، او د مختلفو اړتیاوو لپاره  نصب او فعال ساتل کیږي.
3. د محصلینو، استادانو او کارمندانو لپاره انټرنیټي خدمات:
   د پوهنتون ټولنې ته د دوامدار او پر کیفیت انټرنیټ خدمات برابرول، چې د تدریس، څېړنې، او ورځني چارو په ترسره کولو کې مرسته وکړي.
4. امنیتي څارنه او کنټرول:
   د پوهنتون د امنیتي کمرو نصب، څارنه، او چک کول ترڅو د پوهنتون د محوطې امنیت تضمین شي.
5. د سافټویر او هارډویر ستونزو حل کول:
   د استادانو، کارمندانو او محصلینو د ټکنالوژۍ وسایلو سافټویر او هارډویر ستونزو ته ژر او مؤثره حلونه وړاندې کول.
6. د رسمي بریښنالیکونو مدیریت:
   د پوهنتون د استادانو او کارمندانو لپاره د رسمي بریښنالیک ادرسونو جوړول او د اړوند تخنیکي ستونزو حل او ساتنه.
7. ویب سایټ مدیریت:
   د پوهنتون د ویب پاڼې مدیریت چې پکې د ورځنیو راپورونو، خبرتیاوو، د کادري بستونو، سیمینارونو او نورو اړوندو معلوماتو خپرول شامل دي.
8. HEMIS سیسټم مدیریت:
   د پوهنتون د (HEMIS) سیسټم د مدیریت او پراختیا چارو پرمخ وړل، چې د پوهنتون د مدیریت لپاره د معلوماتو اسانتیاوې برابرې کوي.
9. ویډیو کنفرانسونه او زده کړه ییزې خدمات:
   د ویډیو کنفرانسونو تنظیمول د پوهنتون او لوړو زده کړو وزارت ترمنځ، او د محصلینو لپاره د زده کړه ییزو خدماتو وړاندې کول. دغه کنفرانسونه د علمي او تخنیکي پرمختګ لپاره مهمه وسیله ده.
10. د نویو سیسټمونو رامنځته کول او پراختیا:
    د موجوده معلوماتي سیسټمونو د ستونزو حل کول او د نوي سیسټمونو پراختیا او رامنځته کول، ترڅو پوهنتون د ټکنالوژۍ په برخه کې پر وخت او مؤثره پیاوړی شي.

د ارزګان پوهنتون د معلوماتي ټکنالوژۍ مدیریت هدفونه:

• د پوهنتون د ټکنالوژۍ اړوند اسانتیاوې او خدمتونه برابرول.
• د محصلینو، استادانو او کارمندانو ظرفیت لوړول د ټکنالوژۍ په برخه کې.
• د پوهنتون د ټولو تخنیکي چارو سمبالښت او اداره کول.
• د الکترونیکي زده کړو او زده کړه ییزو خدماتو پراختیا.

د ارزګان پوهنتون د معلوماتي ټکنالوژۍ مدیریت د پوهنتون د تعلیماتي او ادارې فعالیتونو لپاره بنسټیزه برخه ده، چې د ټکنالوژۍ په مرسته د پوهنتون روزنه او پرمختګ تضمینوي.