ارزګان د لوړو زده کړو مؤسسې د رئیس پیغام

2 ورځې 8 ساعتونه ago

الحمدالله رب العلمین و العاقبة للمتقین و الصلاة و السلام علی اشرف المرسلین سیدنا محمد و علی آله و اصحابه و من تبعهم باحسان الی یوم الدین. و بعد

موږ د علم په تاریخ کښی د عجب بدلون شاهدان یو، چی په هر ډګر کښی یی د غوره توب عنصر رامنځ ته کړی دی او همدارنګه ویلای سو چی د تحصیلی نهادونو په کمیت او کیفیت کښی دا بدلون لا مخ په وړاندی درومی، خو په حقیقت کښی دا زموږ لپاره یوه مهمه شیبه ده چی د هیواد د پرمختګ او په ځان بسیا لپاره د دی کاروان غړی ووسو.موږ د خپل هیواد په اړتیاو پوره بلد یو، چی د پوره کیدو لپاره يی په تیرو دوه لسیزو کښی د پوهی په اساس عالی ځواک رامنځ ته سوی دی، چی د همدی تسلسل په اوږدو کښی موږ هم د یوه ملی لید لپاره ګام اخلو، نظر دا دی چې د زده کړې وروستي ځانګړتیاوې په کارولو سره مو په بیلابیلو برخو کې فرصتونه رامنځ ته کړی دی ، کوم چې د دی هیواد صنعتی، زراعتی، اقتصادی او نوری مهمې اړتیاوې پوره کړي.