د لوړو زده کړو وزارت مديريتي او معلوماتي سيستم (HEMIS) په اړه روزنيز ورکشاپ دایر سو!
بسم الله الرحمن الرحیم.
ياد روزنيز ورکشاپ د ارزګان د لوړو زده کړو مؤسسې د مرکزي کمپس د غونډو په تالار کي د تدريسي مديرانو، اجرائیه مديرانو، محصلينو چارو مدير او فارغینو مدير لپاره داير شوی وو، چي د مؤسسې رئیس، علمي او محصلانو چارو مرستیال، يو شمېر استادانو او ښکېلو برخو پکښې ګډون درلود.
غونډه د کلام الله مجيد د مبارکو آیاتونو په تلاوت سره پيل شوه. د يادي موسسې رئیس مولوي رحمت الله رحماني د غونډي پرانیستي وينا وکړه او ټولو ته يې د ښه راغلاست ترڅنګ خپلو چارو ته د ښه دقت او پر موقع خدماتو د ترسره کولو سپارښتنه وکړه. ورپسې د علمي او محصلانو چارو مرستيال د غونډي پر اهميت او محتوا باندي هراړخيزه وينا وکړه. د ياد روزنيز ورکشاپ لپاره چي د مسلکي پراختيا د آمريت په همږغۍ جوړه سوې وه، نوماند پوهنيار سميع الله افغان خپل ترتيب کړی پريزنټيشن ارائه کړل. د غونډي له برخه والو څخه يې ددې سیستم په اړه پوښتني، حل لاري او د اړينو توکو او وسايلو په اړه بحث وکړ.
غونډه د اختتامیه دوعا په کولو سره پای ته ورسيده.
په درنښت
ارزګان د لوړو زده کړو مؤسسه
د فرهنګ او نشراتو کمېټه
ورځ: دوشنبه
نېټه: ۱۱ / ۴ / ۱۴۰۳ هـ ل مطابق ۲۵ / ۱۲ / ۱۴۴۵ هـ ق